انا مصرى ابن مصرى

أنا مصري إبن مصري وليّا الشرف

برغم المهانة
برغم القرف
برغم الزبالة اللي مالية
الشوارع
برغم الفساد اللي بيّه
أعترف
سمو معالي رئيس
الوزارة
نتيجة موظف بسيط
انحرف
برغم المجاعة اللي داخلين
عليها
وفينا اللي عايش حياته في
ترف
برغم البطالة في أوضة
وصالة
برغم أنّ آخر جنيه
اتصرف




برغم طابور الصباح

السخيف
وكل مُنايا يا دوب
كام رغيف
برغم أسايا لمنظر
عشايا
وأقول مش مهم يا واد
نام خفيف
برغم إني شايف بلاوي
وساكت
وعايش مطنش
كأني كفيف
برغم وزارة
رئيسها حرامي
وشوفوا البجاحة
يقولوا نظي
برغم السلالم اللي
غرقت بناسها
برغم العيال اللي ساكنة
الرصيف


برغم حكومة شعارها
الكلام
ورغم رئينا
عليه السلام
ورغم أنّ كله يا
عالم بيغلي
إلا كرامتي بترخص
قوام
برغم إني عايش في بلدي
فريسة
ووجبة شهية لبعض
اللئام
برغم أن كل تاريخك
يا بلدي
فعهد جنابه كلام
فوق رخام
برغم ده كله يا مصر
بحبك
وطز فيهم وده آخر
كلام


بقلم : احمد فؤاد نجم ..


السؤال
يا ترى انت برغم كل ده ..
نفسك تفضل ف مصر ؟؟
يعنى بتحب مصر ؟؟؟؟

تسلم ايدك يا حبيبه

ومنتظرين المزيد

تسلم اديكى

تحياتى