l o v e
Admin
  عدد المساهمات : 1067
تاريخ التسجيل : 05/04/2009
العمر : 35
الموقع : www.5love.mam9.com
 |  موضوع: بحبك وانا كمان بحبك وحياة الماسنجر اللى مجمعنا والايموشنز شاهدين علينا.....  الإثنين يونيو 08, 2009 3:35 pm | |
| السلام عليكم و رحمة الله و بركاتهالحقنى يا ابو عوضين , مالك يا حرمه فى ايه
دخلت على زينتهم بنتك لجيتها جال ايه بتحب رجل على المخروب اللى اشتريته ليها ده
بتجولى ايه يا حرمه , بتحب رجل عليه, ازاى يعنى؟
و انى ايش درانى , اتصرف بجه سمعتنا , كرامتنا , يجولوا ايه جننا البت و لا ملجتش رجل يجوزها جامت تحب فى المخروب ده
واد يا ابو السباع , نعم يا ابا العمده
هات يا وله الرشاش خلينى اخلص على الحرمتين دول , بلا وجاع دماغ
مش عارف اكلم البت نتاشيا على النت 
الماسنجر , كلمة لو كنت قلتها لجدك من 7 سنين كان طخك بالبندقيه و افتكرك بتشتمه
دلوقتى من اولى ابتدائى و من قبل ما يتعلم انه يقرأ , بيعمل ايميل و يتكلم على الماسنجر
ادخل على اى شات عام فى اى موقع تلاقى نص مصر و الدول العربية قاعدين بيقضوا وقتهم كلهم عليه
و ياريته فى كلام مهم , لأ تفاهة و تعارف و اوقات قلة ادب
الاسوأ بقى لما تلاقى واحدة بتقولك انا بحب واحد على النت ؟ ( دمى بيفور من الجملة دى)يعنى ببساطة الناس اللى بتعرف بعضها و يبقوا اصحاب 4 سنين , فجأة ممكن كل واحد منهم يعرف حاجة جديدة عن التانى و العلاقة تنتهى فما بالكم باللى بيتعرفوا على النت؟؟؟واحد لا عمرك شفتيه ( ولو وافقتى و قابلتيه تأكدى انه مش هينسهالك و هيفتكر دايما انه زى ما قابلتيه هتقابلى غيره و لنفس السبب الحب)ولا اتعاملتى معاه على الحقيقة , ولا تعرفى بيعامل الناس اازاىولا تعرفى عنه غير اللى هو عايز يعرفهولك , يبقى ازاى نسمى الكلام ده حب ؟الحب ده يعنى واحد يخاف على واحدة من نفسه قبل ما يكون من غيره يعنى واحد رجل , مجرد ما يحس انه بيحب واحدة ياخد موقف مع نفسه و مع اهلها مش يكلمها على النت سنتين و فجأة تحصل مشاكل طبيعى انها تحصل و ببساطة يبقى حل المشكلة بلوك و ديليت غالبا البنات على النت بيتعرفوا و بيحبوا شباب اقل منهم فى المستوى المادى و الاجتماعى !!!طبعا الموضوع عند الشباب بيبقى مختلف , مش بيبقى حب بيبقى مجرد تعود على بنت و على اسلوبها فى الكلام و الهزاراو ممكن حتى يبقى اعجاب , بس أعجاب بالجزء اللى عرفه من شخصيتها على النت و غالبا الشباب على النت بيتعرفوا على بنات اعلى منهم فى المستوى المادى و الاجتماعى لأ و ناصحين بيدوروا على البنت المحترمة اللى مش بتوافق على كل حاجة على طول لأن البنت دى بعد كده بتبقى اسهل , لأنه بيقنعها انه بيحبها و نفسه يشوف القمر اللى وقع فى حبها و طبعا شهرين تثبيت و كلام زى انا قبلك كنت حاجة تانيه , انا اتغيرت عشانك, أنا محتاجلك , انتى الى فهمانى , انتى اجمل حاجة فى حياتىو كام خناقة كده يعرفها فيهم انه رجل و عنده كرامه و ميقبلش انها تلبس كذا او تخرج الساعة كذا بعد كده البنت بتبقى زى الخاتم فى صباعه , واثقة فيه و تدافع عنه و تفديه بعمرها يقابلها هو بقى و يعيش لكن لو البنت دى مخربشة شوية و فاهمة , هتبقى عارفة و محددة لنفسها حدود تقف عندها تتكلم و تهزر اه , بعد كده لأ ( قال يعنى هى كده بتعمل الصح و عداها العيب )الكلام فى الموضوع ده ملهوش اخر , هاكتفى بالجزء ده , يمكن اكمله بعدين و يمكن لأطلب مهم : كل شاب و كل اخ هنا ,يقول و ينصحنا كبنات , ايه الكلمة اللى لو سمعها او قرأها على النت من بنتبيعرف منها انها مش محترمة أو سهله أو معندهاش حدود ؟لو كل بنت فهمت هى اد غاليه و انهابجد بترخص نفسها على النت و المشكلة ان اى تجربة بتعدى فى حياة البنت مشبتنساها و بتفضل فاكراها و موجوعه بيها لو كل شاب يعرف انه زى ما بيعمل اكيد هيحصل لأخته مهما حاول يحميها اويمنعها , خصوصا ان كل بنت فى حياة الشاب بتعدى و بتبقى مجرد تجربة , كانفى قبلها كتير و بعدها اكتر
عدل سابقا من قبل l o v e في الجمعة أغسطس 13, 2010 2:23 pm عدل 1 مرات | |
|
ورود ولكن
 عدد المساهمات : 509
تاريخ التسجيل : 20/04/2009
| | موضوع: رد: بحبك وانا كمان بحبك وحياة الماسنجر اللى مجمعنا والايموشنز شاهدين علينا..... الإثنين يونيو 08, 2009 4:08 pm | |
| لو كل شاب يعرف انه زى ما بيعمل اكيد هيحصل لأخته مهما حاول يحميها او
يمنعها , خصوصا ان كل بنت فى حياة الشاب بتعدى و بتبقى مجرد تجربة , كان
فى قبلها كتير و بعدها اكتر
يعجز اللسان على وصف الموضووع
عنجد يسلموووو محمد وياريت يكون فى جزء ثانى وثالت
تقبل مرورى
مع خالص احترامى | |
|
ملك روحى
 عدد المساهمات : 524
تاريخ التسجيل : 28/04/2009
العمر : 35
| | موضوع: رد: بحبك وانا كمان بحبك وحياة الماسنجر اللى مجمعنا والايموشنز شاهدين علينا..... الجمعة يونيو 12, 2009 6:33 pm | |
| | |
|
