حياء البنات فين ...؟؟
الله يرحمه بقي روح اقرأ عليه الفاتحه علي قبره
راح راح راح
(فاكرين اغنيه عبد حليم ) الحياء راح من نسبه كبيره اوي م البنات
فيه بنات بترفع صوتها فى وسط الشباب عاآآآآآتى جدا
والى بتضحك بصوت عالى والي بتشيش وقاعده حاطه رجل على رجل
والي بسهوله بتدى رقمها لأى شاب حتى من غير مايطلبه منها
( اصيله البنيه مش بتحب تحرجه ) والي تقول للشاب بحبك يا حماصه ومقدرش اعيش من غيرك
(محسساني انها قاعده مع ازازة ميه معدنيه ) وممكن تعيطله لو مرتبط بواحده تانيه
( ياقلب يور ماذر يا حونينه انتي ) والي تقول للشاب انتا امور ووسيم وجميل من غير حياء او كسوف
وحماصه هو اللى يتكسف
( يآآتي بيضه تعمه ياخواتشي )
الى بتكتب اسمها عاشقه تامر وعاشقه دياب
او عاشقه بيكهام مع ان العشق حاجه والاعجاب حاجه تانيه خالص ؛
هما خلاص فاكرين كلمه العشق حاجه سهله ...؟؟؟
بس اليومين دول البنت حتى وهى بتكلم الشاب تبقى حاطه عينيها فى عينيه
وكمان تكون واقفه قريب جدا منه
و البنات اللى بتسمح للشاب انه يحط ايده على كتفها وهما ماشيين ودى انتشرت جدا
وبقوا يسمحوا عادى جدا ان الشاب يهزر معاهم بالايد
وده منتشره جدا فى الجامعات ؛
و للاسف نسبه كبيره من البنات بقوا اكتر جرأه من الشباب
المشكله انهم مش يعرفوا ان الحياء تي كلمه كبيره اوي
وان تي الاتجاكتف
( الصفه يحني ) الي بتميز البنت وان تي جزء من انوثتها وجمالها
بس للافس المؤسف انهم الوقتي بقوا بيعتبروه موضه قديمه اوي
انا هنا مبقولش ان البنت عليها انها تبقي خجووووووله لدرجة الانطوائيه او عدم الاستقلاليه بشخصيتها ، بس اقصد انه عليها انها تحافظ على نسبه من الحياء والخجل ده .. لانه مرتبط بانوثتها ..
والا بقي ساعتها فين الفرق ما بين الولد والبنت
مش بلوم الاب والام لان بالتاكيد مفيش اب وام الا وهما حريصين على ان بنتهم تكون مثاليه
لكن فين الخلل الحقيقي ...!!
ايه اللي حصل ..؟!
ده نموذج صغير جدا ده بعيد عن ان الموضوعات دلوقتي تطورت للزواج العرفي والبلاوي الزرقة اللي بنشوفها
ياترى ايه السبب في الخلل ده ...؟!
- ياتري بسبب انتشار الانترنت بس هنا اقدر اقول مظنش البيوت كلها فيها انترنت !!!!!( بس نادر اوي لما تلاقي كده )
-- ولا بسبب التلفزيون واللي بيقدمه !!!!!
-- ولا بسبب انشغال الاهل والاسرة ...؟؟
حقيقي نفسي اعرف
فين حياء وخجل البنت ...؟؟